අභ්යන්තර විගණන අංශයේ අරමුණු
ශ්රී ලංකා තේ මණ්ඩලයේ මූල්ය, පරිපාලන සහ මානව සම්පත් සම්බන්ධ මෙහෙයුම් ඵලදායීව, කාර්යක්ෂමව සහ අරමුණුගතව ක්රියාත්මක වන්නේද යන්න පිළිබඳ ස්වාධීන හා වෘත්තීයමය ඇගයීමක් සිදු කිරීමත්, ශ්රී ලංකා රජය, තේ කම්හල් හිමියන්, තේ වතු හිමියන්, තේ වෙළෙඳුන්, තේ කර්මාන්තයේ සේවකයින් සහ ශ්රී ලංකාවේ මහජනතාව ඇතුළු ප්රධාන පාර්ශ්වකරුවන්ගේ අපේක්ෂාවන් සපුරාලීම සඳහා මණ්ඩලයේ මෙහෙයුම්වල සාර්ථකත්වය හා වගවීම තහවුරු කිරීමට සහාය වීමත් අභ්යන්තර විගණන අංශයේ ප්රධාන අරමුණ වේ.
අවදානම් කළමනාකරණය, අභ්යන්තර පාලනය සහ ආයතනික පාලන ක්රියාවලීන්හි ප්රමාණවත්භාවය, සඵලතාවය සහ කාර්යක්ෂමතාව ක්රමානුකූලව හා විනයගරුකව ඇගයීමට ලක් කර, ඒවා අඛණ්ඩව වැඩිදියුණු කිරීම සඳහා නිර්දේශ ඉදිරිපත් කිරීම මඟින් තේ මණ්ඩලයේ අරමුණු සාක්ෂාත් කර ගැනීමට අභ්යන්තර විගණන අංශය සහාය වේ. ඒ අනුව, අභ්යන්තර විගණන අංශයේ ප්රධාන අරමුණු පහත පරිදි වේ:
අභ්යන්තර පාලන ඇගයීම
ප්රධාන කාර්යාලයේ සහ ප්රාදේශීය කාර්යාලවල මෙහෙයුම් ඵලදායීව හා කාර්යක්ෂමව සිදු කෙරෙන බවටත්, මණ්ඩලයේ අරමුණු සාක්ෂාත් කර ගැනීම සඳහා පවතින අභ්යන්තර පාලන ක්රමවේද ප්රමාණවත් බවටත් සාධාරණ සහතිකයක් ලබාදෙන්නේද යන්න ඇගයීම.
පාලන ක්රමවේද හා අනුකූලතාව ඇගයීම
පවතින අභ්යන්තර පාලන ක්රමවේද පිළිබඳ කාර්ය මණ්ඩලයේ දැනුවත්භාවය සහ ඒවාට අනුකූලව කටයුතු කිරීමේ මට්ටම තක්සේරු කිරීම මෙන්ම, කළමනාකරණය විසින් භාවිතා කරනු ලබන සංවිධාන ව්යුහයන්, ක්රමවේද සහ සම්පත් මණ්ඩලයේ අරමුණු හා අපේක්ෂිත ප්රතිඵල සාක්ෂාත් කර ගැනීමට ඵලදායී ලෙස දායක වන්නේද යන්න ඇගයීම.
මූල්ය හා මෙහෙයුම් තොරතුරුවල විශ්වසනීයත්වය තහවුරු කිරීම
මණ්ඩලයේ මූල්ය හා මෙහෙයුම් කටයුතුවල නිරවද්යතාව, සම්පූර්ණත්වය, අඛණ්ඩතාව සහ විශ්වසනීයත්වය තහවුරු කිරීම සඳහා පවතින අභ්යන්තර පාලන ප්රමාණවත් සහ සඵලදායීද යන්න ඇගයීම.
නීති හා නියාමන අනුකූලතාව ඇගයීම
මණ්ඩලයේ ප්රධාන කාර්යාලයේ සහ ප්රාදේශීය කාර්යාලවල මෙහෙයුම් සඳහා අදාළ වන පනත්, නීති, රෙගුලාසි, රජයේ මූල්ය රෙගුලාසි, චක්රලේඛ සහ අනෙකුත් නියාමන අවශ්යතා නිසි පරිදි අනුගමනය කරන්නේද යන්න ඇගයීම.
වත්කම් හා තොරතුරු ආරක්ෂාව ඇගයීම
මණ්ඩලයට අයත් භෞතික හා මූල්ය වත්කම්, දත්ත සහ තොරතුරු නිසි පරිදි සුරක්ෂිතව, කාර්යක්ෂමව හා වගකීමෙන් යුතුව කළමනාකරණය කරන්නේද යන්න ඇගයීම.
ප්රතිපත්ති හා ක්රියාපටිපාටි අනුගමනය කිරීම ඇගයීම
ප්රධාන කාර්යාලයේ සහ ප්රාදේශීය කාර්යාලවල මෙහෙයුම් මණ්ඩලය විසින් අනුමත කරන ලද ප්රතිපත්ති, ක්රියාපටිපාටි සහ අනෙකුත් ස්ථාපිත ක්රමවේදවලට අනුකූලව සිදු කෙරෙන්නේද යන්න ඇගයීම.
අවදානම් කළමනාකරණය හා ආයතනික පාලනය ශක්තිමත් කිරීම
මණ්ඩලයේ අරමුණු සාක්ෂාත් කර ගැනීමට බලපාන ප්රධාන අවදානම් හඳුනාගෙන, ඒවා කළමනාකරණය කිරීම සඳහා පවතින ක්රමවේදවල සඵලතාවය ඇගයීම සහ අවශ්ය වැඩිදියුණු කිරීම් සඳහා කළමනාකරණයට සුදුසු නිර්දේශ ඉදිරිපත් කිරීම.
වැඩිදියුණු කිරීම සඳහා උපදේශාත්මක සහාය ලබාදීම
විගණන නිරීක්ෂණ හා ඇගයීම් මත පදනම්ව, මණ්ඩලයේ මෙහෙයුම් කාර්යක්ෂමතාව, සම්පත් භාවිතය, අභ්යන්තර පාලන පද්ධති, අවදානම් කළමනාකරණය සහ ආයතනික පාලනය වැඩිදියුණු කිරීම සඳහා කළමනාකරණයට වෘත්තීයමය නිර්දේශ හා උපදේශාත්මක සහාය ලබාදීම.
